Cynllun Iaith Gymraeg

Mae Cynllun Iaith Gymraeg Arolwg Ordnans yn disgrifio sut byddwn yn glynu at yr egwyddorion a bennwyd gan Ddeddf yr Iaith Gymraeg fel y bo’n briodol ac yn rhesymol ymarferol. Mae hyn i sicrhau ein bod yn trin y Gymraeg a’r Saesneg yn gyfartal wrth gyflawni busnes cyhoeddus a gweinyddu cyfiawnder yng Nghymru. Mae ein Cynllun Iaith Gymraeg yn cwmpasu gwasanaethau yr ydym yn eu darparu i’r cyhoedd yng Nghymru.

Paratowyd y cynllun hwn o dan Adran 21 y Ddeddf – ac yn unol â chanllawiau a gyhoeddwyd gan Fwrdd yr Iaith Gymraeg o dan Adran 9 y Ddeddf.

Cynllun Iaith Gymraeg yn Gymraeg (PDF)

Yn y cynllun hwn, mae’r term ‘y cyhoedd’ yn golygu unigolion, pobl gyfreithiol a chyrff corfforaethol. Mae’n cynnwys y cyhoedd yn gyffredinol, neu ran o’r cyhoedd, yn ogystal ag aelodau unigol o’r cyhoedd. Mae’r term yn cynnwys sefydliadau gwirfoddol ac elusennau. Mae cyfarwyddwyr a phobl eraill sy’n cynrychioli cwmnïau cyfyngedig hefyd yn dod o dan ystyr y term ‘y cyhoedd’. Fodd bynnag, nid yw’n cynnwys pobl sy’n gweithredu mewn swydd sy’n cynrychioli’r Goron, y Llywodraeth neu’r Wladwriaeth. O ganlyniad, nid yw pobl sy’n cyflawni swyddogaethau swyddogol o natur gyhoeddus, er eu bod yn bobl gyfreithiol, yn dod o dan ystyr y cyhoedd pan fyddant yn cyflawni’r swyddogaethau swyddogol hynny.

Gellir cael mwy o wybodaeth am gwmpas a diben y cynlluniau Iaith Gymraeg mewn canllawiau a gyhoeddwyd gan Gomisiynydd y Gymraeg.